Hjerterytmeovervåker (ILR), Sandnessjøen

På operasjonsdagen er det viktig at du møter fastande. Det vil seie at du ikkje skal ta medisinar, ete eller drikke etter midnatt. Du må møte til operasjon nydusja og rein.

Sjølve inngrepet skjer på operasjonsstova eller eit behandlingsrom. Du blir lagd på ein benk og dekt med sterile dukar. Du vil vere vaken under inngrepet, og både lege og sjukepleiar forklarer kva som skjer undervegs. Legen bedøver området med lokalbedøving, gjer eit lite snitt i huda og plasserer ILR-en under huda. Deretter syr legen igjen snittet og legg på ein bandasje.

Korleis fungerer ILR?

ILR fungerer på to måtar:

1. Automatisk opptak og lagring av hjarterytme: Legen stiller inn kriterium for opptaket ut ifrå bakgrunnen og symptoma din, slik at registrering av hjarterytmen din blir overvakt og blir lagra.
   
   
2. Manuelt opptak og lagring ved sjølvaktivering: Du aktiverer sjølv IRL-en når du har symptom. Ha aktivatoren med deg til kvar tid og bruk han kvar gong du opplever symptom. Slik gjer du eit opptak av hjarterytmen når du opplever symptom.

Slik bruker du aktivatoren

Legg aktivatoren flatt inntil huda over ILR-en. Hald inne knappen i eit par sekund. Slepp deretter opp knappen. Når registreringa av eit symptom er vellykka, vil aktivatoren lyse grønt og gi frå seg ein pipelyd.

Dersom du ikkje får signal om vellykka registrering, bør du gjere eit nytt forsøk omgåande. Dersom du har vedvarande symptom av hjartebank, næravsviming og/eller avsviming, kan du ta kontakt med Pacemaker- og ICD-senteret.

Ved alvorleg avsviming: Ring 113

Du kan reise heim same dag. Før heimreise skal din ILR aktiverast og blir kontrollert av lege/sjukepleiar. Du får også utlevert ein aktivator, eit ID-KORT med informasjon om din ILR og time til kontroll om to veker.

Inngrepet er ein poliklinisk time og du må betale eigendel.

Bandasjen skal haldast tørr fram til kontrollen. Ta kontakt med oss i mellomtida dersom det oppstår komplikasjonar med operasjonssåra som bløding, hevelse eller smerter.

Kontroll og oppfølging

Avlesing av ILR-en skjer med faste intervall, vanlegvis 6 månadar. Ved symptom kan du kontakte seksjonen og du blir då kalla inn til ein ekstra kontroll. Sjukepleiar les av det ILR-en har lagra og registreringane du har aktivert. Legen kan på bakgrunn av dette avdekkje eller utelukke unormal hjarterytme.

Fjerning av ILR

Når ILR-en din går tom for batteri, vil behandlande lege/klinikken setje deg opp til operasjon for å få han fjerna.

Inngrepet blir utført på operasjonsstova eller eit behandlingsrom. Du ligg på ein benk og kroppen blir dekt med sterile dukar. Legen bedøver området med lokalbedøving, gjer eit lite snitt i huda og fjernar ILR-en. Deretter syr legen igjen snittet og legg på ein bandasje. Du kan reise heim same dag.

Av og til er det nødvendig at du kjem tilbake til ein sårkontroll etter to veker.

Kan eg ta MR?

Du kan ta MR-undersøking med ILR. Men MR generer kraftig elektrisk eller magnetisk interferens (EMI) som kan føre til at ILR-en fangar opp forstyrringar/støy, slik at det kan oppstå feil i lagra data eller hindre lagring av data. Vi tilrår at din ILR blir lesen av før MR-undersøking for å forsikre at viktig data av hjarterytmen blir dokumentert. Dette avtaler du direkte med sjukepleiar når timen til MR er fastsett.